,,ქართული სამართლის აკადემია“  შექმნილია სამართლის სტუდენტებისთვის და იურისტებისთვის, რომლებსაც სურთ პრაქტიკული საქმიანობისთვის საჭირო უნარ-ჩვევების გამომუშავება.

წლებია, რაც კომპანიაში მიმდინარეობს სწავლება როგორც საოფისე, ასევე დისტანციური ფორმატით. ამჟამად კი გადავწყვიტეთ დავამატოთ კურსები, რომელიც მსმენელს შესაძლებლობას მისცემს ავტორიზაციის გავლის შემდგომ, ნებისმიერ დროს, ნებისმიერ ადგილას მოუსმინოს, ჰქონდეს მუდმივი წვდომა აღნიშნულ ვიდეოებზე და ამ გზით განავითაროს საკუთარი ცოდნა.

თქვენ შესაძლებლობა მოგეცემათ შეიძინოთ თეორიული ცოდნის გაღრმავებაზე ორიენტირებული კურსი, რომელიც დაგეხმარებათ ჩააბაროთ სხვადასხვა საკვალიფიკაციო გამოცდა. კურსი თანაბრად საინტერესო იქნება იმ იურისტებისთვისაც, რომელთაც არ სურთ გამოცდის ჩაბარება, მაგრამ მათი მიზანია გაიხსენონ ან/და გააანალიზონ მოქმედი სამართლებრივი აქტები და მასში განხორციელებული ცვლილებები.

საიტზე ეტაპობრივად განთავსდება პრაქტიკული კურსებიც, რომელიც იქნება კომპანიაში მოქმედი კურსების მსგავსი, თუმცა ჩაწერილი ლექციების ფორმატით შეძლებთ ადვოკატის, პროკურორის, ნოტარიუსისა და აღმასრულებლის პრაქტიკული საქმიანობის შესახებ ცოდნის მიღებას.

თვალი ადევნეთ წინამდებარე ვებ-გვერდს, ასევე კომპანიის ძირითად საიტს - www.glacompany.ge , აირჩიეთ თქვენთვის სასურველი კურსი სასურველი ფორმატით , მიიღეთ საჭირო ცოდნა და გამოიმუშავეთ უნარ-ჩვევები, რომელიც დაგეხმარებათ დასახული მიზნების მიღწევაში.

გისურვებთ წარმატებებს!

,,ქართული სამართლის აკადემია“